اكبح جماح الشوووق

اكبح جماح الشوق يا قلب ترتـاح
حسبك مصايب حادثـات الليالـي
ما كـن مـرت تباريـح واتـراح
ولا ذقت من بلوى زمانـك نكالـي
ما للجلاده عـن مراميـك تنـزاح
والصبر ما تعطيه بعض المجالـي
عودتني ما تخلـط الجـد بمـزاح
ولا تراوغ فـي صحيـح المقالـى
شف كيف عمقت المآسي والجراح
و اشغلتني من عقب ما كنت خالى
وانا الشقي بك بين مسري ومرواح
يمكـدرٍ بالهـم بـالـك وبـالـي
أراك تبحث عن خيالات و اشبـاح
يا قلب من عز الحبيـب المثالـي
لا لا تعيد الي مضى لي مضى راح
ما ينفع الترقيع في ثوب ثوب بالى
ولا تستوي في مطلب الود لحـاح
يا قلب با ترخص ولو كنت غالـى
عواصف الهجران بالحيل تجتـاح
وش تنتظر غير الوهم والخيالـي
من قلب خلك ودنا ذات و انمـاح
حسيبك الله مـا تراعـي لحالـي
من هان ذل و ذلة النفس يا صاح
على العزيز الحـر أكبـر وبالـي
ما أقدر اطفي نار الأشواق بصياح
واشمت اللي بالوفـا مـا يبالـي
يا ابو جبينٍ في دجى الليل وضاح
نجل العيون اللي سحرهن حلالـي
والقد غصنٍ دون الأنسـام ميـاح
يسلب قلوب أهل السمو والجلالـي